Bizneset në vendin tonë vazhdojnë të vuajnë krizën e rënë financiare që solli pandemia. Këtë situatë të rënduar e ka konfirmuar sot Edvin Prençe, kryetar i shoqatës Pro-Export Albania, i cili tregoi gjatë një interviste televizive se bizneset po marrin borxhe për të paguar punonjësit.
“Bizneset po marrin më shumë borxhe sesa më parë. Këtu ndikon edhe mungesa e likuiditetit sa i takon blerjes së lëndëve të para. Por, ajo që është më kritike është se borxhet po merren për të shlyer pagesat e punonjësve dhe për të paguar detyrimet ndaj shtetit”, tha Prençe.
Sipas tij, pandemia i gjeti papërgatitur bizneset dhe nga ana tjetër qeveria nuk i ndihmoi sa duhet. “Pandemia na gjeti të papërgatitur, duke pasur parasysh se shumë vende evropiane u bllokuan menjëherë. Pa përmendur që vinim nga një tërmet që bllokoi shumë biznese”, tha Prençe. Këtu ai i ka kërkuar qeverisë në emër të bizneseve që të bashkëpunoj më shumë me ta dhe të krijojë më tepër mbështetje.
Discussion about this post