Pas Freskida Rapos, edhe një tjetër delegat i PD-së ka reaguar duke thënë se i kanë falsifikuar firmën.
Delegati Bujar Kula, i ka dërguar mesazh drejtueses së emisionit “Open”, Eni Vasilit ku i thotë se të njëjtën gjë i kanë bërë edhe atij, duke ia falsifikuar formën për në Kuvenditn e thirrur nga Sali Berisha.
Ndërkohë, më herët delegatja e PD-së Freskida Rapo, ka reaguar me anë të një në lidhje telefonike, ku tha se firma e saj është falsifikuar dhe se nuk ka firmosur.
“Unë nuk kam firmosur dhe kjo gjë do të thotë që firma ime është falsifikuar. Nuk e kam me zotin Agron, por kush e ka falsifikuar? Kjo do të thotë që të gjitha të dhënat e mia kanë kaluar në duart e personave të tjerë, bashkë me numrin tim të telefonit. Besoj nga ora katër e gjysmë. Më ka marrë dikush në telefon dhe u kam thënë që nuk firmos pasi jam në një pauzë reflektimi” – është shprehur delegatja e PD, Frskida Rapo.
Discussion about this post