Detaje të reja kanë dalë në dritë nga zhdukja e biznesmenit të inerteve në Kamëz.I humbur prej 13 ditësh, Ruzhdi Hoxha për herë të fundit është parë duke konsumuar një kafe në autostradën Tiranë-Durrës, ku një telefonatë nga miku i tij me iniciale F.Rr e ka bërë që të marri makinën dhe të lëvizi.Kamerat e zonës të verifikuara nga policia tregojnë që mjeti është larguar të Kamzës e më pas nga Zall Herri.
Këto pamje filmike të disponueshme nga policia janë dhe shenja e fundit nga Hoxha.Denoncimin për humbjen e tij mësohet se e ka bërë vëllai i Ruzhdi Hoxhës në komisariatin e policisë së Kamzës.
Ditën e sotme policia ka shoqëruar mikun e Hoxhës në komisariat për t’i marrë dëshmi, si personi i fundit që duhet se ka patur kontakt me të.Nga kërkimet rezulton se F.Rr ka patur probleme me drejtësinë në shtetin italian.
Gjithashtu, mësohet se Ruzhdi Hoxha që tanimë rezulton i humbur ishte në prag të falimentimin në biznesin e tij të inerteve, arsye që mendohet se është bërë shkak që Hoxha të zhytej në borxhe./ J.V Gijotina.com
Discussion about this post