Marrëdhënia e ngushtë e kryeministrit Edi Rama me biznesmenin Gjergj Luca është diçka e njohur tani më për të gjithë. Këtë e kanë treguar të dy në momentin që duhet t’i bëjnë favore njëri tjetrit, Luca kur qujti “barbona” fermerët që protestojnë ndaj qeverisë dhe Rama kur drekon me miq në restorantin e biznesmenit.
Një gjë e tillë ka ndodhur dhe ditën e sotme, ku pas takimit me përfaqësues të qeverisë së Kosovës, Rama ka ftuar kabinetin e Kurtit dhe së bashku me ministrat e tij, kanë drekuar në restorantin e Lucës.
Në një video të shpërndarë në Facebook, shihet Rama në krah të Kurtit dhe Lucës, ku biznesmeni e prezanton kryeministrin kosovar me historitë e “Kështjellës” së tij.
Kujtojmë, që ky ishte pikërisht restoranti ku disa muaj më parë, një kamarier ndërroi jetë pasi një nga klientët e qëlloi me thikë. Gamzent Kurmaku ishte kamarieri, i cili u plagos me sende të forta nga një klient që kishte shkuar për të darkuar në ambientet e restorantit “Fish City”. Kurmaku ndërroi jetë në spitalin e Tiranës.
Tronditës ishte fakti sesi 57-vjeçari u vra në krye të detyrës, e për këtë rast pronari i tij, Luca, zgjodhi ta justifikojë ngjarjen me anë të një postimi në Facebook duke u “zhveshur” nga përgjegjësia dhe e konsideruar si aksident fatal.
Para disa ditësh, biznesmeni i preferuar i Partisë Socialiste u vendos në qendër të kritikave nga opinioni publik për etiketimin që përdori ndaj fermerëve që protestojnë për të drejtat e tyre, duke i konsideruar “barbona”.
Kjo deklaratë fyese u bë nga Luca ditën ku po bëhej prezantimi i buxhetit 2022 për sektorin e peshkimit nga kryeministri Edi Rama dhe ministrja Frida Krifca, të cilët nuk patën asnjë reagim nga ana e tyre, duke vërtetuar kështu se ishte në një mendje me mikun e tij.
Discussion about this post