Banorët e fshatit Grecalli, ku ndodhi ngjarja makabër e vrasjes së 8-vjeçarit Mateo Vasiu, kanë shpjeguar se zjarri në shtëpinë e Klodian Çalamanit u shua nga shiu, pasi askush nuk do e njoftonte policinë apo zjarrfikësit për atë monstër.
Një grua që banon pranë vendit të ngjarjes rrëfen se ishin në gjumë kur ngjarja ka ndodhur. E pyetur se nga çfarë mund të jetë shkaktuar zjarri, fqinja e Klodian Çalamanit shprehet se nuk ka parë gjë, por sipas asaj që ka dëgjuar bëhet fjalë për një problem me shtyllën e tensionit. “Ai ishte djegur natën, s’i kemi dëgjuar. E i kishte rënë ajo ca i thonë korrent. Ajo bëri masë atje te shtylla, nuk pamë gjë ne kështu thonë se bëri masë”, shprehet ajo.
Ndërsa një banor tjetër, shprehet se mirë ia kanë bërë. “Ta kishin lyer me benzinë mirë që mos të kishte shi që ta shuante”, shprehet ai për Gijotina.com, duke shtuar se “kështu duhet të djegin edhe vetë autorin e asaj ngjarje të rëndë”.
Banorët thonë se disa prej tyre i kanë parë flakët, por nuk u ka interesuar të njoftojnë policinë e zjarrfikësit, ndërsa të tmerruar nga ngjarja makabër shprehen “si nuk e vret vetë policia atë monstër”.
Vetëm pak ditë më parë, familjarët e viktimës hynë në shtëpinë e tmerrit, ku Klodian Çalamani vrau dhe groposi Mateon. Pasi janë hequr shiritat e skemës së krimit, familjarët kanë ndezur qirinj në gropën ku Klodian Çalamani groposi 8-vjeçarin.
Ndërkohë, familjarët pretendojnë se një e afërme e familjes di rrethanat dhe të vërtetat që shtynë 38-vjeçarin t’i marrë jetën fëmijës së mitur. Mbetet e çuditshme sesi grupi hetimor, po punon me ritme shumë të ngadalta për të zbardhur plotësisht këtë krim makabër, për të cilin ende nuk dihet as motivi.
Discussion about this post