Blendi Gonxhes këtë herë i ka futur duart edhe tek paratë e Maternitetit ‘Mbretëresha Geraldinë’. Qysh prej muajit janar të këtij viti, kur mori në varësi Operatorin e Blerjeve të Përqendruara, paratë e fondeve të spitaleve kalojnë në duart e tij.
Tender i radhës ka si objekt ‘ Loti 1: Mobilje dhe pajisje për përdorim zyre dhe ambiente të tjera’. Kjo fjala ‘të tjera’ është sa për justifikim se mobiliet do të blihen për zyrën e drejtoreshës Eliona Demalia.
Në fakt, ky lot ishte zemra e tenderit të madh me objekt “Blerje orendish e pajisjesh të ndryshme për mobilim për SUOGJ “Mbretëresha Geraldinë” e ndarë në 4 lote” me vlerë të përgjithshme të fondit limit në vlerën 25,645,900 lekë pa TVSH.
Loti 2 është për “Mobilje dhe pajisje prej metali për përdorime në ambjente të ndryshme” me fond të përgjithshëm të marrëveshjes kuadër në vlerën 10,123,700 lekë pa TVSH .
Loti 3 përfshin “Mobilje dhe pajisje për përdorim të veçantë” me fond 1,626,000 lekë pa TVSH, ndërsa Loti 4 është blerja e një “Televizori dhe tabele për projektor” në vlerën 730,000 lekë pa TVSH.
Këto dëshira i plotëson Gonxhe për Demalinë, duke blerë kolltukët e rehatshëm dhe dollapë modern, siç i specifikon në dokumente.
Nga ana tjetër, ministri nuk e ka lënë këtë rast pa e shfrytëzuar për të favorizuar një mik të vjetër. Operatori i Blerjeve e ka hapur garën më datë 5 korrik 2024 dhe e ka mbyllur më datë 6 gusht 2024. Duke qenë se në fillim ishin dorëzuar 8 oferta, shpallja e fituesit u vonua për një muaj. Mendohej që njerëzit e Gonxhes tek operatori janë marrë me procedurat e vlerësimit. Në fakt, fituesi i tenderit ka qenë i paracaktuar.
Kështu, 7 prej ofertave, mes tyre dhe më e lira, janë skualifikuar që në fazën e parë. Më 6 gusht 2024 ka mbetur mbi tavolinën e komisionit vetëm firma “Erald” shpk, me ofertë 124 milionë lekë. Sigurisht pa konkurrent përballë tenderi iu bë dhuratë, pa u sforcuar! Dhe kontrata u bë publike më datë 9 shtator.
Tenderi është shënuar nga Open Data Albania me “Flamur të kuq”, që është shenja e riskut të korrupsionit.
Ndërkohë një nga ofertuesit e ka denoncuar tenderin me pretendimin se autoriteti kontraktor e ka patur të paracaktuar se kush do ta marrë fondin dhe prandaj e dha kontratën duke eliminuar të gjithë pjesëmarrësit përveç fituesit..
Por kjo ankesë është rrëzuar nga KPP, duke i lënë rrugën e hapur firmës Erald. Tashmë që edhe KPP me kryetar Jonaid Myzyri i ka vënë vulën blerjeve, mbetet vetëm vendosja e mobiljeve sipas arredimit të planifikuar nga drejtoresha.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/201
Discussion about this post