Blinken për herë të parë në Shqipëri, zbardhet axhenda e takimeve

Sekretari amerikan i shtetit, Antony Blinken viziton sot për herë të parë vendin tonë.

Gjatë vizitës që pritet të zgjasë disa orë, pjesë e turit që nis në Shqipëri dhe përfundon në Berlin, zyrtari i lartë amerikan do të ketë një takim me presidentin e vendin Bajram Begaj dhe kryeministrin Edi Rama, me të cilin pritet të mbajnë edhw një konferencë të përbashkët për shtyp.

Sipas DASH, vizita do të përqendrohet pikërisht tek e ardhmja e Shqipërisë dhe e Ballkanit Perëndimor.

Axhenda

Ora 13:35   Blinken zhvillon një takim dhe përshëndet me punonjësit e Ambasadës Amerikane në Tiranë

Ora 14:15  Blinken takohet me aplikantët afganë për vizë emigruese speciale në Tiranë, Shqipëri.

Ora 15:05   Blinken takohet me Presidentin shqiptar Bajram Begaj në Tiranë, Shqipëri.

15:35  Blinken mban fjalime në një aktivitet të të rinjve dhe të diplomuarve me temë  “ Festojmë të ardhmen e marrëdhënieve SHBA-Shqipëri”  në Tiranë, Shqipëri.

Ora 16:15   Blinken takohet me kryeministrin shqiptar Edi Rama në Tiranë, Shqipëri.

Ora 5:55 Blinken merr pjesë në një ceremoni nënshkrimi për një Memorandum Mirëkuptimi mbi Shkëmbimin Akademik Fulbright dhe një Memorandum Mirëkuptimi mbi Kuadrin për Kundër Manipulimit Informativ të Shtetit të Huaj në Tiranë, Shqipëri.

Ora 18:10 Blinken dhe kryeministri shqiptar Edi Rama mbajnë një konferencë të përbashkët shtypi në Tiranë, Shqipëri.