Rezart Taçit, i shpallur sot në kërkim nga SPAK për pastrim parash, është shtylla kryesore e këtij rrjeti në Shqipëri. Sipas informacioneve, Rezart Taçi e ka nisur këtë “biznes” fillimisht në marrëveshje me italianin Francesco Zummo dhe më tutje ka marrë pas vetes kunatin Artur Balla dhe shokun e tij Bledar Lilo. Bëhet me dije se, skema e pastrimit të parave përmes transaksioneve bankare bëheshin në Shqipëri, Itali dhe Zvicër, ku Taçi dhe dy njerëzit e tij bashkëpunonin me 4 italianë për pastrimin e parave të krimit të Cosa Nostra-s. Sipas SPAK, skema e pastrimit të parave të krimit drejtohej nga shtetasit italian Francesco Zummo, 90 vjeç dhe I.Z., në bashkëpunim me ekonomistin Fabio Petruzzella dhe italianin D.C., të cilët pastronin paratë në Zvicër dhe Shqipëri. Në Shqipëri bashkëpunëtori i tyre ishte Rezart Taçi, i cili së bashku me 2 të besuarit, të cilët pastronin paratë përmes bizneseve të tyre në Shqipëri në sektorin e naftës.
Dy shqiptarët Artur Balla dhe Bledar Lilo kryenin transaksionet financiare përmes një banke të nivelit të dytë në Shqipëri vlera e së cilës përllogaritet dhjetëra miliona euro. Gjatë hetimeve, SPAK ka mbledhur prova se Rezart Taçi dhe dy njerëzit e tij besuar do të merrnin përqindjen nga transaksionet e parave përmes një banke të nivelit të dytë në Shqipëri. Sakaq, nga verifikimet është bërë i mundur sekuestrimi i 18,399,941.50 Euro, që janë përfituar pikërisht përmes pastrimit të parave të krimit, por SPAK është nën hetim pasi dyshohet se brenda vendit ata kenë edhe një tjetër llogari, ku kanë derdhur një shumë tjetër parash.
Burimet bëjnë me dije se, këto para kanë ardhur nga italiani 90-vjeçarin Francesco Zummon gjatë muajit gusht 2021 në Shqipëri ku do të bëhej edhe pastrimi nga Taçi dhe dy bashkëpunëtorët e tij, të cilët nuk kanë arritur të bëjnë transaksionin e plotë pasi ranë në gjurmët e SPAK. E.H/ gijotina.com/
Discussion about this post