Boçi: Ja ylli polar që duhet të ndjekin demokratët…

Ish-deputeti i PD-së, Luçiano Boçi, ka deklaruar se kreu i grupit parlamentar të PD-së Gazment Bardhi ka evoluar politikisht.

Në një intervistë për Euroneës Albania, ai komentoi tryezën që organizoi ish-sekretari i Përgjithshëm, ndërsa tha se besimi i demokratëve duhet fituar sërish.

“Të themi ndryshim nuk është termi i duhur gjuhësor. Evolucion, ta themi kështu se e kupton më mirë publiku.

Ka evoluar në qëndrimin politik në raport me bashkimin. Pra, ylli polar që duhet ndjekur është bashkimi, pastaj rruga është e kundërshtueshme. Sot kemi një përputhshmëri të veprimeve të zotit Bardhi dhe deputetëve të tjerë në raport me dëshirën, kërkesën, investimin 2-vjeçar për bashkimin e Partisë Demokratike. Është një hap i pritshëm, i duhur.

Kjo duket qartë, jo vetëm nga reagimet tona, sepse ne paragjykohemi, jemi politikanë dhe mundohemi ta elaborojmë fjalën, por kjo duket më qartë nga reagimet e publikut,” – u shpreh Boçi.