Duke folur nga protesta jashtë Parlamentit deputeti i PD, Luçiano Boçi bëri thirrje që protestuesit të thërrmojnë portat e Parlamentit në kuadër të revolucionit. Ai tha se në protestë i ka nxjerrë dashuria për vendin dhe jo urrejtja.
“T’i thërrmojmë këto porta sepse duam lirinë dhe demokracinë. Të dashur demokratë, ata që mendojnë se mund të fshehin të vërtetën të mos e çojnë në mend se ne në këtë shesh na ka sjellë urrejtja por dashuria për vendin dhe besimin. Ata që mendojnë se mund ta fshehin të vërtetën mos të mendojnë se do të shuajnë protestën tonë, jo, revolucioni demokratik do e arrijë qëllimin”, tha Boçi.
Ndërkohë, teksa jashtë protestohet, brenda në Kuvend zhvillohet seanca plenare. Edhe kjo seancë nuk nisi normalisht. Kjo sepse pati një moment ndërprerje për shkak se ikën dritat për shkak të një defekti në UPS që shërben për balancimin e energjisë në sallën plenare. Më pas dritat erdhën, por nuk kanë punuar mikrofonat.
Boçi: Vendimi më ndalon vetëm të drejtën e fjalës
Discussion about this post