Boçi: Rama inicoi aferën e inceneratorëve, SPAK të…

Ish-deputeti demokrat, Luçiano Boçi, përmes një postimi në rrjetet sociale, shprehet se SPAK duhet ti shkojë deri në fund aferës së inceneratorëve, e cila e ka burimin në Kryeministri.

Boçi i ka drejtuar një apel SPAK që të çojë deri në fund hetimin për inceneratorin e Tiranës dhe jo ta shmangë.

“Ai që e inicioi këtë aferë, e financoi, e urdhëroi, e mbrojti, e përdori financiarisht dhe politikisht, është Edvin Rama.

Pa të aty, banka e të akuzuarve nga SPAK, do ngjante si bankë shkolle, me nxënës që kanë thyer disipilinën”, shprehet Boçi.

Postimi nga Luçiano Boçi

Sekuestrimi i inceneratorit imagjinar të Tiranës pas atij të Elbasanit dhe të Fierit, i vuri kapak përcaktimit të inceneratorëve si një aferë e pastër korruptive e qeverisë.

Grupi i strukturuar kriminal s’ka brirë por ama ka inceneratorë.

Ky sekuestrim hapi njëherazi sërish një kapak tjetër, të cilin SPAK duhet ta  mbyllë (ta çojë deri në fund), jo ta shmangë. Kapakun që gjithçka e pisët, korruptive,  e ka burimin në Kryeministri.

Ai që e inicioi këtë aferë, e financoi, e urdhëroi, e mbrojti, e përdori financiarisht dhe politikisht, është Edvin Rama.

Pa të aty, banka e të akuzuarve nga SPAK, do ngjante si bankë shkolle, me nxënës që kanë thyer disipilinën.