“Vetmia ka qenë aty e pranishme në mua në të gjitha përvojat që kam pasur. Sidomos në Shtetet e Bashkuara dhe Japoni në tri vitet e fundit, përvojat e mia kanë qenë pa shoqëri. Të qenit vetëm është diçka që të gërryen”.
Këto janë fjalët e rënda të një lojtari klasi si Bojan Krkic, i cili ka rrëfyer për “The Athletic” të gjitha vështirësitë që ka kaluar gjatë karrierës së tij sportive.
Spanjolli, tashmë 37 vjeç, u shënjua nga problemet mendore për të përballuar presionin gjatë fillimit të karrierës së tij.
Vështirësitë arritën kulmin kur iu desh të refuzonte thirrjen e kombëtares spanjolle në shkurt 2008.
Lojtari ka treguar se ishte vetë ai që zgjodhi të refuzonte ftesën e Spanjës pikërisht për shkak të problemeve të tij personale.
Discussion about this post