Me hyrjen e këngëtares Semi Jaupaj dhe aktorit Donald Veshaj në “Big Brother Vip”, ka pasuar një lumë komentesh përsa i përket lidhjes që ata kanë me Bora Zemanin dhe i qëndrimit së bashku në shtëpinë më të famshme në Shqipëri.
Semi njihet si shoqja e ngushtë e Borës, ndërsa Donaldi ka patur një histori mjaft romantike me të.
Siç ishte paralajmëruar edhe më parë, vetë Bora Zemani ishte e ftuar përgjatë spektaklit të sotëm për të ”shuar” gjithë zërat dhe akuzat e bëra së fundmi.
Bora tregoi se është e prekur për abuzimin dhe keqinterpretimet që mediet e ndryshme kanë bërë kundrejt marrëdhënies së Semit dhe Donaldit.
Ajo shtoi se ata të dy kanë pasur gjithnjë atë marrëdhënie mes njëri-tjetrit dhe se është e qetë dhe e sigurt për gjithçka ka ndjekur gjatë këtyre ditëve brenda ‘’Big Brother Vip’’.
”Jam shumë e qetë për sjelljen e tyre, ata ashtu janë dhe jashtë. Më vjen mirë që Donaldi e ka mbështetur pasi Semi ka vërtetë nevojë”,- tha Bora.
Ndërsa të gjithë banorët e kanë parë Borën nga ekrani i monitorit, ata i janë afruar Donaldit për ta këshilluar.
Donaldi është shokuar nga prania e saj, ndërsa është në pritje të komunikimit të Arbanës për ta takuar.
Çifti u nda në maj të këtij viti pas tre vitesh së bashku. Vendimii tyre erdhi pas një periudhe ndarjesh e ribashkimesh të shpeshta që prej gushtit të vitit të kaluar kur marrëdhënia e tyre u bë publike.
