Sikletet për presidentin serb Aleksandër Vuçiç, shtohen nga dita në ditë. Si të mos mjaftonin, presionet nga ndërkombëtarët, për të njohur shtetin e Kosovës, tashmë është dhe një person, jo shumë “i këshillueshëm” që tregon se si e ka ndihmuar liderin e Serbisë për të fituar simpatizantë për partinë e tij.
Narkotrafikanti dhe personi që ka kaluar gjysmën e jetës së tij në burgje, Kristijan Golluboviç ka thënë se nga “fansat e tij”, ai i garanton 30 mijë vota Aleksandar Vuçiçit, përkatësisht për Partinë Progresiste Serbe (SNS).
Golluboviç në një televizion serb ka theksuar se fansat e tij janë të moshës 18 deri 25 vjeç.
“Në skenën politike të Serbisë, besoj se SNS-ja është gjëja e duhur për të gjithë. Asgjë nuk ka ndryshuar.
Tani po e them publikisht, tashmë po mbledh rreth 20-30 mijë vota fansa të mi që janë nga mosha 18 deri në 25 vjeç”, është shprehur Golluboviç në një emision.
Discussion about this post