Gjykata ka dhënë sot vendimin për biznesmenin Nikoin Janina, i cili u arrestua dy ditë më parë për trafik droge. 56-vjeçari ishte shpallur në kërkim ndërkombëtar nga Spanja, për dyshohet se është bosi i një grupi që trafikonte heroinë. Në këtë kuadër ditën e sotme gjykata ka vendosur të bëjë ekstradimin e tij drejt Spanjës.
Autoritetet gjyqësore në Spanjë, kanë lëshuar urdhër arresti ndërkombëtar, për veprën penale “Trafikimi i lëndëve narkotike”, parashikuar nga Kodi Penal i Spanjës. Janina gjithashtu rezulton se është lideri i një grupi kriminal që trafikonte heroine, morfinë e opium në disa vende të BE.
Referuar hetimeve të autoriteteve spanjolle, dyshohet se Janina trafikonte heroinë, morfinë e opium në vendet e BE-së. Dyshohet se 56-vjeçari drejtonte një grup kriminal, ky policia dhe prokuroria Spanjolle, ka sekuestruar një sasi prej 53 kg e 380 gramë heroinë këtij grupi. Kujtojmë se 56-vjeçari ishte nën fokusin e hetimeve në nëntor të 2017 për pasurinë e tij nga ish-prokuroria e Krimeve të rënda. Më u vendos që pronat e tij me vlerë 4 milionë euro të sekuestroheshin pasi të ardhurat e tij nuk i justifikonin.
Discussion about this post