Kombëtarja shqiptare e femrave ka mbërritur mesditën e kësaj të hëne në Prishtinë, ku ditën e martë do të luajë ndeshjen e dytë eliminatore ndaj Kosovës, e vlefshme për kualifikueset e Kampionatit Europian “Australi- Zelandë e Re 2023”.
E gjithë skuadra shqiptare, me në krye trajnerin Armir Grima dhe stafin e tij i janë nënshtruar testeve anti-covid përpara nisjes, ku kanë rezultuar negativë, duke udhëtuar kështu të plotë drejt Kosovës.
Pasditen e sotme, ekipi i vajzave ka zhvilluar edhe seancën zyrtare stërvitore në stadiumin “Fadil Vokrri” në Prishtinë, ku edhe do të luhet ndeshja e së martës, që do të nisë nga ora 16:00.
Përveç Endrina Elezaj-t, e cila nuk do të luajë në këtë ndeshje për shkak se ka plotësuar numrin e kartonëve, tekniku shqiptar ka në dispozicion të gjitha vajzat e tjera të grumbulluara për këtë sfidë, të cilat janë në formë të mirë fizike.
Shqipëria e femrave është shortuar në grupin F, një grup mjaft i fortë, me Norvegjinë, Belgjikën, Poloninë, Kosovën e Armeninë, teksa për momentin renditet në vendin e pestë, me katër pikë, aq sa Kosova e vendit të katërt.
Discussion about this post