Trajneri i kombëtares së Koresë së Jugut, Hong Myung-bo, ka dhënë dorëheqjen këtë të diel, vetëm një ditë pas eliminimit zyrtar të skuadrës nga ky Kampionat Boteror.
57-vjeçari e bëri njoftimin gjatë një konference për shtyp në qendrën stërvitore të ekipit në Zapopan të Meksikës, duke i dhënë fund aventurës së tij të dytë në krye të stolit, e cila nisi në korrik të vitit 2024 dhe pritej të zgjaste deri në Kupën e Azisë 2027.
Koreja e Jugut e mbylli fazën e grupeve në vendin e tretë në Grupin A, duke grumbulluar vetëm 3 pikë falë një fitoreje dhe dy humbjeve. Aziatikët mbajtën gjallë shpresat për të kaluar në fazën e 1/16-ave si një nga tetë vendet e treta më të mira, por ëndrra u shua përfundimisht të shtunën, pas mbylljes së ndeshjeve të grupeve.
Ky vendim drastik i Hong Myung-bo vjen pas një klime tejet të tensionuar në vendlindje. Eliminimi dhe disfata kundër Afrikës së Jugut shkaktuan një reagim të paprecedentë, ku një kanal televiziv koreano-jugor ndërmori hapin ekstrem duke i mjegulluar fytyrën trajnerit gjatë transmetimit. Në kulturën mediatike atje, censurimi i fytyrës është një praktikë që u rezervohet personave të përfshirë në krime të rënda ose atyre që konsiderohet se kanë sjellë turp kombëtar. Presioni i pamëshirshëm publik dhe ky trajtim poshtërues duket se i kanë dhënë goditjen përfundimtare 57-vjeçarit, duke i hapur rrugë një “tërmeti” ndryshimesh në federatën koreano-jugore të futbollit.
The Korean media is doing the absolute most right now. 🇰🇷📺
Broadcaster KBS literally went all the way to Monterrey to investigate the team’s hotel, trying to see if the accommodations were to blame for the poor performance against South Africa.
To make it worse, they even… pic.twitter.com/uyBXfp3gtW
— Ultras Clips (@ultras_clips) June 28, 2026
Ndersa Presidenti i vendit, Lee Jae Myung, deklaroi se ishte “thellësisht i tronditur” nga dështimi i kombëtares dhe kërkoi një hetim të plotë për mënyrën se si u menaxhua fushata e Botërorit.
“Jam thellësisht i shokuar nga eliminimi ynë nga Kupa e Botës. Duke marrë parasysh se burimet e mbështetjes shtetërore janë përdorur si investim gjatë procesit të kualifikimit, kërkoj që Ministria e Kulturës, Sportit dhe Turizmit të zhvillojë një hetim të plotë mbi këtë situatë dhe të marrë masa gjithëpërfshirëse për të parandaluar përsëritjen e saj”, deklaroi presidenti.
gijotina.com/
Discussion about this post