Drejtori ekzekutiv i komitetit organizativ të Katar 2022, Nasser Al Khater, ka folur së fundmi me detajet që lidhen me Kupën e Botës.
Në një intervistë për CNN ai foli për çështjet më të nxehta në kuadër të eventit të kampionatit botëror.
Një nga çështjet ku u ndalua më gjatë ishin për të drejtat e komunitetit LGBTIQ në vendin aziatik dhe sesi situata aktuale do të ndikojë tek fansat që synojnë të ndjekin të preferuarat e tyre.
“Katari është trajtuar në mënyrë të padrejtë që nga zgjedhja e tij në 2010. Kupa e Botës supozohej të ishte katalizatori për ndryshim, të gjithë janë të mirëpritur dhe nuk është e vërtetë që homoseksualët në Katar ndihen të pasigurt.”- u shpreh ai.
Megjithatë Al Khater u tregua i prerë kur tha se: “Katari është një vend konservator nga pikëpamja e perceptimit të dashurisë në publik. Ne i kërkojmë fansave të na respektojnë ashtu siç respektojmë kulturat e tjera. Ne i kuptojmë dallimet.”/K.T/Gijotina.com
Discussion about this post