Ministria për Evropën dhe Punët e Jashtme njofton për masat e reja të vendosura nga Republika e Kosovës për hyrjet dhe daljet e qytetarëve. Në njoftim thuhet se, çdo person i cili hyn në Republikën e Kosovës duhet të posedojë një nga dëshmitë që tregon se nuk janë të prekur nga koronaviursi. Ndër të tjera theksohet se, nga data 3 janar 2022, do të lejohen të hyjnë në Kosovë vetëm ata persona që janë të pajisur me certifikatën e vaksinimit të plotë.
“ Udhëtarët duhet të posedojnë certifikatën e vaksinimit të plotë (me dy doza) kundër COVID-19; certifikatën e vaksinimit për vaksinimin me një dozë, jo më e vjetër se 4 javë, bashkë me testin RT-PCR negativ për COVID-19, jo më i vjetër se 48 orë. certifikatën e vaksinimit për vaksinimin me një dozë bashkë me dëshminë se personi ka kaluar COVID-19 (test RT-PCR pozitiv i lëshuar jo më pak se 21 ditë dhe jo më shumë se 180 ditë)”, thuhet në njoftim.
Nga kërkesa për të poseduar ndonjërën nga dëshmitë e shënuara më lart, përjashtohen personat të cilët hyjnë në Kosovë përmes aeroportit apo përmes pikave kufitare tokësore dhe largohen nga Kosova brenda tre 3 orësh përmes aeroportit.
Discussion about this post