Shtetet e Bashkuara të Amerikës kanë fituar me lehtësi, në duelin ndaj Zelandës së Re, të vlefshëm për fazën 1/8 të Kupës së Botës U-20, që po zhvillohet në Argjentinë.
Amerikano-veriorët shënuan plot 4 herë ndaj “All-Blacks” të cilët, ndryshe nga kolegët e tyre në ragbi, nuk janë aq dominues në sportin e futbollit.
Wolff hapi serinë e golave në minutën e 14’, duke bërë që rruga drejt çerekfinaleve të “asfaltohej” për kombëtaren e “Uncle Sam”.
SHBA, e mbylli me avantazhin e një goli, pjesën e parë.
Në pjesën e dytë, amerikanët e “vunë për fundi” kundërshtarin, duke shënuar edhe tre herë të tjera.
Në minutën e 61’, Cowell realizoi golin e dytë, duke goditur saktë me kokë.
Në minutën e 75’, në kundërsulm, SHBA shënoi golin e tretë me anë të Che, i cili shfrytëzoi largimin e dobët të topit nga mbrojtësit neozelandeze.
Goli i katërt, erdhi në fundin e takimit, me Pukstas që goditi saktë me kokë, pas një asistimi nga goditja e lirë e Craig.
Pas këtij suksesi, “Yankees” mendojnë tashmë për ndeshjen çerekfinale, ku do të përballe me fituesin e çiftit Gambia-Uruguai./m.b /gijotina.com
Discussion about this post