Deputeti i PS-së, Erion Braçe ka denoncuar çmimin e lartë të naftës të vendosur nga Bordi i Transparencës, të cilin e cilëson si kartel.
Braçe ka kërkuar nga qeveria që të ndërhyjë në mënyrë që të orientojë kompanitë private drejt tregut vendas për prodhimet kryesore si gruri dhe misri. Braçe tha se është e rëndësishme që qeveria të ndërhyjë në treg në mënyrë që këto produkte mos të mungojnë.
“Ne nuk prodhojmë më as sheqer as, vaj, oriz. Padiskutim që drithëra prodhon edhe grurë edhe misër dhe gjithë drithërat e tjera. Fushat janë plot pavarësisht rendimentit të tyre. Mendoj se qeveria duhet ta kishte pjesë të këtij akti që të paktën për drithërat këto kompanitë e grumbullimit të detyroheshin të mblidhini prodhimin vendas, madje me çmim të rregulluar. Çdo bujku i ka shkuar kostoja për dybim 20-22 mijë lekë. Me çmimin 40 lekë për kg për grurin janë me humbe e çmimin 50 lekë për kg nxjerrin paratë e tyre. Qeveria të bëjë analizë të kostos së prodhimit të bujkut dhe të orientonte këto kompani që të blejnë prodhimin vendas dhe jo ta konkurrojnë prodhimin vendas me importin. Është themelore që vitin tjetër të kemi grurë dhe të kemi misër.
Gruri ka çmimin e lartë dhe justifikon të gjitha kostot e grurit këtu. Këtu garanci dhe kompani t’i orientojë tek prodhimi vendas. Është momenti që të orientohemi tek prodhimi vendas. Është gati 50 % e konsumit tonë. Së dyti, brenda kësaj garancie dhe ato kompani që garantojnë prodhim vendi, ushqim për kafshët. E treta unë do të vazhdoj që të insistoj për plehrat kimike. Përsëri edhe pse angazhimi ka qenë publik është i pambajtur për plehrat kimike.
Çmimi i naftë po shkon siç po shkon. Kësaj shoqate të hidrokarbureve që funksionon si kartel duhet ti jepini fund. Ka pika në veri, që po shesin jo me çmimin e bordit po me lirë me 236 lekë.”-tha Braçe.
Discussion about this post