Ish-zëvendëskryeministri, Erion Braçe, ka folur sot rreth situatës pandemike në vendin tonë. Sipas tij edhe Shqipëria duhet ta bëjë vaksinimin me detyrim. Deputeti socialist foli me tone të ashpra për shifrat e covid në vend dhe mosrespektimin e masave kundër virusit, dhe kritikat i nisi që nga kolegët e vetë. Sipas tij , ministrat janë të parët ata që shkelin rregullat anti-covid dhe nuk mund ë presin që t’i zbatojnë qytetarët. “Sot që flasim të sëmurë aktivë kemi më shumë se 6000 veta. Këtu duhet mbajt maskë, që parë pashë kryeministrin dhe disa ministra, nuk bëhen as 5 veta bashkë, dhe kur nuk rrezatohet zbatimi i masave këtu, mos të kërkojë njeri të zbatohen diku tjetër. Kemi vendos një rregull që të jemi të gjithë të vaksinuar, disa janë të pavaksinuat, po test ju kërkoi njeri, jo, po për orën policore, nuk zbatohet, zero, dhe të penalizuarit janë ata që janë të vaksinua”, tha Braçe.
Ndër të tjera, ai i kërkoi qeverisë që bëjë vaksinim me detyrim për të shmangur një tjetër kolaps gjatë dimrit nga koronavirusi. “Pa diskutim po humbim kohë, të kushtëzojmë aktivitet me vaksnim, këtu po shkon gjithë bota, nuk e di pse se bëjmë këtë. Ka një zgjidhje, vaksinim me detyrim për çdo lloj aktiviteti Do të mbash lokalin hapur vaksinoji punonjësit. Do të punosh në klubin tënd prit vetëm të vaksinuarit, duke nisur nga këtu“, tha Braçe.
Discussion about this post