Ish-zv.kryeministri Erion Braçe, ka ngritur sot një shqetësim në lidhje me pasojat që po shkakton moti i keq në vendin tonë. Përmes një postimi në rrjetet sociale Braçe shkruan se lumi Shkumbin ka dalë nga shtrati dhe iu bën thirrje banorëve që të largohen nga zona përreth lumit, pasi janë në rrezik. Sipas tij dhjetëra fshatra aty pranë rrezikojnë të përmbyten duke qenë se parashikimet nga meteorologët flasin për një mot të keq që do të vazhdojë.
“Lumi Shkumbin po del nga shtrati në Çermë të Sipërme dhe rrezikon të gjitha Çermat e tjera rreth tij. Gjithçka prej prurjeve të mëdha te tij ne pjesën e sipërme, Librazhd, Elbasan. Dy gjera kam; E para për banoret: Largohuni ju dhe çdo mjet, gjithashtu bagëti nga toka prej buzës së lumit deri në argjinaturë; qëndrimi përbën rrezik”, shkruan ai.
Braçe ngre alarmin për qeverinë dhe e shikon si domosdoshmëri për marrjen e masave që situata të tilla të mos përsëriten, pasi ky rrezik do të vazhdojë edhe për 6 muaj të tjerë.
Discussion about this post