Braçe ka prezantuar 10 amendamente në seancën plenare, taksë për vajin e palmës dhe një sërë kërkesash tjera pasi sipas tij skema 20 me 20 që u miratua në 2014 nuk po zbatohet më në sektorin e bujqësisë, gjë e cila ka shkaktuar mjaft probleme dhe dëme ekonomike. Këtë ai e pohoi edhe në foltoren e Parlamentit ditën e sotme.
“Ia vlen që ne të taksojmë TVSH me furnizimin. Propozimi lidhet me skemën e tvsh për fermerët, bujqit. Skema aktuale u tha se nuk kishte arritur të prodhonte rezultat. Dua të pyes se çfarë ka ndodhur me qeverinë nga 2014 e deri më sot? Problemi është te bujku dhe te eksportuesi. Çfarë ndodhi me skemën 20 me 20, që u miratua në 2014.
Sot nuk ka fabrikë në Shqipëri që prodhon me qumësht pluhur, nëse ka kërkoj ndjesë. Legjislacioni jonë vajin e palmës nuk e takson, kam propozuar taksë dhe për këtë. Që qumështi pluhur dhe vaji i palmës të trajtohen njësoj. Sot nuk ka një fabrikë në Shqipëri që prodhon qumësht pluhur, në etiketat e produkteve nuk shënohet që është prodhuar me qumësht pluhur.”- tha në foltoren e Kuvendit Erion Braçe.
Nga ana tjetër deputeti socialist, Braçe ka thënë se duhet të ketë disa përmirësime në buxhetin e vitit 2022.
Braçe u ndal te aspekti ekonomik, ku sipas tij nuk duhen favorizuar bizneset e mëdha, pasi sipas tij janë favorizuar ndjeshëm, por të vendoset një rregullator, që në fund, përfitues janë të gjitha shtresat.
“Kam prezantuar 10 amendamente. Pa më të voglin diskutim, duhet të vendosim se nga fillon radha. Duhet të vendosim nga më i vogli. Do doja që në ligjin për TVSH do doja heqjen e shkallës së reduktuar për të gjitha furnizimet në hotele me 5 yje. Furnizimet në këto hotele, nga letra higjenike dhe pijet paguhet 6% TVSH. Kjo masë u mor vite të shkuara për të investuar thithjen, por mjafton 1 favor, që të organizojnë lojëra fati brenda ambienteve. Kam propozuar heqjen e përjashtimit të furnizimit me tokë dhe me ndërtesë të gjitha zonat rezidenciale jashtë qytetit. Të gjithë këtyre sipërmarrësve iu është bërë një favor. Iu është bërë favor i 2, po zë territore të vijës bregdetare, për pjesën e madhe të muajve është një shpi e blerë që nuk funksionon në pjesën më të madhe të vitit”- tha mes të tjerash Erion Braçe.
Më pas deputeti i PD, Bujar Leskaj pati një diskutim me Erion Braçen duke i thënë në Kuvend se mazhoranca nuk e mbështet në ato amendamente duke i propozuar kështu që të mos votonte paketën fiskale. Leskaj i tha se me këtë veprim do i bënte një shërbim efikas të gjithë zgjedhësbe të tij, e duke shtuar se në 2007 ai vetë kishte votuar 16 herë kundër ligjeve të propozuara nga qeveria e asaj kohe.
Discussion about this post