Janë mbyllur edhe takimet e ditës së mërkurë përsa i përket ndeshjeve të para të fazës “play-off” të UEFA Champions League, duke dhënë një pamje më të qartë në lidhje me skuadrat që mund të avancojnë në fazën e grupeve të kompeticionit elitar të futbollit europian.
Një nga skuadrat që ka një avantazh ndaj kundërshtarit të saj, është padyshimin, Sporting Braga, e cila triumfoi me rezulatin 2-1, përballë skuadrës greke, Panathinaikos.
Portugezët, pas një pjese të parë të ekulibruar, morën në dorë frenat e ndeshjes, në fraksionin e dytë të lojës, duke dominuar pothuajse plotësisht, ndaj rivalëve të tyre, megjithatë goli i pësuar në fund, lë gjithçka të hapur.
Pas aksioneve të shumta të shpërdoruara, bardhekuqtë, zhbllokuan rezultatin në minutën e 51’, falë Ruiz, i cili mposhti nga distanca, portierin e Panathinaikos, Brignoli.
Grekët nuk po arrinin që të dilnin në lojën e tyre, duke pësuar presionin e vendasve, të cilët duke insistuar në sulmet e tyre, dyfishuan në minutën e 73’, me anë të një goditje fantastike të Djalo.
Atëherë kur dukej se Braga do shënonte, të paktën edhe një gol të tretë, Panathinaikos, shkurtoi diferencat me anë të Mancinit, në minutat shtesë, duke i dhënë shpresë për kualifikim, skuadrës helene.
Ndërkohë në dy takimet e tjera, Maccabi Haifa barazoi 0-0 përballë Young Boys të Bernës, ndërsa Gallatasaray triumfoi në shtesë, me rezultatin 3-2, ndaj ekipit norvegjez, Molde. Takimet e kthimit do të zhvillohen pas një jave./m.b /gijotina.com
Discussion about this post