Brazili ka marrë fitore të thellë në kualifikimet për Kampionatin Botërorë, pasi para adhuruesve të saj ka mposhtur Perunë me rezultatin e thellë 4-0.
Në praninë e 72 mijë tifozëve në ‘Estadio Nacional Mane Garrincha’, brazilianët ishin të pamëshirshëm ndaj kundërshtarëve, ku Raphinha shkëlqeu me dy gola.
Ndeshja u zhbllokua në minutën e 38-të me lojtarinb e Barcelonës që realizoi nga pika e bardhë për 1-0.
Raphinha shënoi sërish nga pika e bardhë, ku kësaj radhe në minutën e 54-të për t’i dhënë epërsinë e dyfishtë brazilianëve.
Dy golat e fundit në ndeshje u shënuan nga zëvendësuesit Anderson Pereira për 3-0 në minutën e 71-të dhe Luis Henrique për 4-0 tre minuta më vonë.
Me këtë fitore Brazili ngrihet në pozitën e katërt me 16 pikë, gjashtë më pak se Argjentina që kryeson.
Discussion about this post