Fatos Tushe, kryetari i Bashkisë Lushnje që u vu sot në pranga me urdhër të Prokurorisë së Posaçme kundër Korrupsionit dhe Krimit të Organizuar, ka rënë pre e një atentati me granatë në zyrën e tij. Ngjarja ndodhi më 31 dhjetor të vitit 2019, pak muaj pasi Tushes u vu në krye të Bashkisë Lushnje, pas zgjedhjeve lokale të 30 qershorit, ku mori pjesë vetëm Partia Socialiste.
Gëzim Saraçi, ish-shoferi i kryebashkiakut Tushe, pas muajsh në konflikt me Tushen u paraqit në zyrën e Bashkisë dhe në ditën e fundit të vitit 2019 hodhi granatën. Granata shpërtheu poshtë tavolinës, dhe ajo që mbeti e plagosur ishte sekretarja e Tushes, Erisa Qalliu. Vetë kryebashkiaku, që ishte edhe shnëjestra e atentatit, shpëtoi paq.
Konflikti i Tushes me Saraçin
Saraçi ishte pushuar nga puna në vitin 2017 si shofer i kryebashkiaku, por që nga ajo kohë, ai vijonte të merrete rrogë në këtë Bashki. Kjo për shkak se Saraçi e kërcënonte Tushen me video sekrete, përmbajtja e të cilave nuk u bë asnjëherë publike.
Pas ngjarjes, pati edhe akuza ana e opozitës, e cila deklaronte se Saraçi dhe Tushe kanë qenë të implikuar në pazare droge, dhe kjo ka bërë që mes tyre konflikti të degjenerojë në atentat. Të njëjtat akuza ka shkruar edhe ish-kryeministri Sali Berisha në rrjetet sociale.
Denoncimi i parë: Narkoshteti i Edvin Drogës e mbylli vitin 2019 me hedhje granate për të eleminuar narko-kryetarin e bashkisë së Lushnjës, Fatos Tushe dhe sekretaren e tij, nga shoferi i narkokryetarit monist Gëzim Saraçi. Njoftimet e para të mediave flasin për prishje njeri me tjetrin, në pazaret e drogës dhe trafiqeve kriminale, për të cilat Gëzim Saraçi ka qenë i mirënjohur dhe thuhet se ka financuar fushatën elektorale të Tushes me paratë e krimit”.
Denoncimi i dytë: Po ju shkruaj për t’u lutur më shumë qe ju dhe Partia Demokratike të hetojë #URGJENTISHT për kryetarin e bashkisë Lushnje sepse nëse do hetoni, ai dalë më keq i lidhur me krimin se Kajmaku me shokë. Veç të hetoni kush e zotëron sot tregun e fruta-perimeve dhe kush merr tenderat në Lushnje, dalin pislliqet e tjera. Tushe s’ka asnjë ndryshim nga Edi, merr “vizë” dhe bëhet lesh me alkool çdo natë”.
Denoncimi i tretë: Përshëndetje Doktor!!! Ngjarja që ndodhi sot në Lushnje është krejtësisht e zbardhur, janë prishjet e pazareve midis z.Tushe dhe Gëzim Saraçit. Në fillimet e tij, kur ishte deputet dhe kandidoi për bashki, Gëzim Saraçi ishte financuesi kryesor i kryetarit të bashkisë së bashku me vëllanë e kryetarit që erdhi nga SH.B.A., ndërsa prishja e pazareve ndodhi në vitin 2017, kur u largua nga Gëzim Saraci dhe u mor peng nga tjetër kush… që gjithë Lushnja e di”.
