Brendtford ka ndalur në shtëpi Chelsea, teksa dy ekipet nuk shkuan më shumë se barazimi 0-0 mes tyre.
Blutë e Londrës kështu humbin 2 pikë në këtë përballje, teksa bëjnë një hap fals në Premier League.
Armando Broja luajti nga minuta e parë në këtë takim, ndërsa pati disa raste për të kaluar në avantazh të tijtë por pa mundur të konkretizonte rastet, teksa vlen të theksohet se ishte një nga lojtarët më aktiv në sulmin e bluve.
Potter e zëvendësoi sulmuesin shqiptar në minutën e 62-të të sfidës, duke aktivizuar Sterling në vend të tij.
Pas këtij barazimi Chelsea vazhdon të mbajë vendin e 4-të me 20 pikë, ndërsa Berntford renditet i 9-ti me 14 pikë.
Liverpool nga krahu tjetër nuk ka gabuar ndaj West Ham. “The Reds” kanë triumfuar me shifrat 1-0 ndaj “Çekiçëve”, duke siguruar kështu një 3 pikësh me shumë vlerë.
Golin vendimtar në këtë takim arriti ta shënojë Darwin Nunez në minutën e 22-të, ndërsa vlen të theksohet se Bowen humbi penallti për West Ham në minutën e fundit të pjesës së parë.
Me këtë 3 pikësh, të besuarit e Jurgen Klopp arrijnë në kuotën e 16 pikëve në vendin e 7-të, ndërsa West Ham mbetet me 11 pikë në vendin e 13-të.
Fitore gjithashtu ka siguruar edhe Newcastle ndaj Everton, me skuadrën e sheikëve që triumfoi me shifrat 1-0 me gol të shënuar nga Almiron në minutën e 32-të të sfidës.
Newcastle mban vendin e 5-të me 18 pikë, ndërsa Everton ndodhet në vendin e 15-të me 10 pikë.
Discussion about this post