Breshër i pazakontë në Fushë Arrëz, thyen xhamat e automjeteve dhe dëmton bujqësinë

Fushë Arrëzi u pushtua pasditen e djeshme nga breshëri, i cili nuk kurseu të mbjellat.

Në Fierzë, në fshatrat Aprrip Guri, Bugjon dhe në fshatin Iballë, si pasojë e stuhisë është shkatërruar bujqësia dhe bletaria.

Dëme të konsiderueshme janë bërë në çatitë e banesave, dhe në shkatërrimin e të gjitha makinave që posedojnë këta banorë duke ju thyer xhamat.

Bashkia Fushë-Arrëz, bashkë me Zyrën e Emergjencave Civile, Stafin e saj në bashkëpunim me Njësitë Administrative, kryetarët e fshatrave, po bëjnë të mundur evidentimin e dëmeve që janë krijuar nga kjo situatë e pazakontë natyrore në mënyrë që t’ju vijmë në ndihmë për të përballuar këto dëme.