Britanisë së Madhe i duhet të tërheqë kapitalin e saj nga Banka Europiane e Investimeve, në kuadër të procesin të daljes nga Bashkimi Europian. Por Londrës i duhet të presë të paktën 30 vjet për të marrë të plotë kontributin e saj prej 3.5 miliardë euro.
Britanisë së Madhe do ti duhen të paktën tre dekada për të tërhequr kapitalin e saj nga Banka Europiane e Investimeve, pasi vendi të shkëputet plotësisht nga Bashkimi Europian. Sipas zv/presidentit të kësaj banke Alexandet Stubb, Londra nuk do të mundë të tërheqë të plotë kapitalin e saj prej 3.5 miliardë Eurosh para vitit 2054.
Në një intervistë për mediat britanike, Stubb tha se drejtuesit e financave në Londër duhet të presin për kthimin e plotë të kapitalit, ashtu siç kanë përfituar nga investimet e kësaj banke për vite e vite me rradhë. Britania ka 16% të aksioneve në Bankën Europiane të Investimeve. Sipas një raporti të dhomës së Lordëve, investimi britanik mund të tejkalojë 10 miliardë euro, po të përllogariten këtu edhe rezervat dhe përfitimet, krahas investimit fillestar prej 3.5 miliardë euro. Por nuk përjashtohet mundësia që Britanisë së Madhe ti kthehen më pak para nga çka investuar, nëse dështojnë projekte të ndryshme ku është bërë pjesë kapitali britanik i Bankës Europiane të Investimeve.
Britania është e detyruar të tërheqë kapitalin e saj nga Banka Europiane e Investimeve, pasi sipas rregullave, aksionerë në këtë bankë janë vetëm vendet që janë pjesë e unionit. Këtë vit, Britania nisi negociatat për daljen nga Bashkimi Europian, sipas vullnetit popullor të referendumit të vitit të kaluar. Negocatat pritet të përfundojnë në fund të vitit 2019.
