Mediet britanike kanë ngritur alarmin sa i përket transmetimit të emigrantëve shqiptarë drejt Anglisë me kamionë. Sipas tyre, mafiet shqiptare bëjnë pazare në Tik-Tok për të tërhequr emigrantë që duan të kalojnë kufirin në mënyrë ilegale. “Mirror” tregon se kjo është një nga skemat që vepron rrejti duke përfituar më shumë se 20,000 £ për të mbërritur në Mbretërinë e Bashkuar. Sipas “Mirror” është alarmant fakti që këto lloj pazaresh ekspozohen kaq lirshëm në rrjetet sociale dhe askush nuk vepron.
“Udhëtimi i fundit këtë vit për të takuar Mbretëreshën në Angli. Udhëtim i sigurt brenda kokës së kamionit. 100% e sigurt. Për më shumë DM.”, shkruan në një story në Tik-Tok një nga personat që merret me këtë ‘biznes’. Një reklamë e dytë, e postuar më 21 dhjetor, thotë: “Një tjetër udhëtim gati për në Angli, 24,000 paund. Udhëtim i sigurt për në Angli para Krishtlindjeve. Na kontaktoni shpejt”.
Sipas ‘Mirror’ është e frikshme që këto reklama u shfaqën 6 ditë pasi Agjencia Kombëtare e Krimit njoftoi marrëveshjet me Tik-Tok, Facebook, Instagram, YouTube dhe Twitter, të cilat ofruan bashkëpunim kundër grupeve të krimit që përdorin internetin për të rekrutuar, komunikuar dhe reklamuar shërbime të jashtëligjshme.
Discussion about this post