Britania vendos sanksione të tjera ndaj liderëve rusë, nuk përjashton as gruan e Lavrov

Mbretëria e Bashkuar po sanksionon 178 individë të cilët mendohet se mbështesin rajonet ilegale të shkëputura në Ukrainën lindore, bëri me dije zyra e jashtme britanike.

Në një deklaratë të mbajtur ditën e sotme, sekretarja e jashtme e Mbretërisë së Bashkuar, Liz Truss, është shprehur se në sulmet e vazhdueshme me raketa ndaj civilëve në Ukrainën lindore ata sipas saj, do të sanksionojnë ata që mbështesin rajonet ilegale të shkëputura dhe janë bashkëpunëtorë në mizoritë kundër popullit ukrainas.

“Në vazhdën e sulmeve të tmerrshme me raketa ndaj civilëve në Ukrainën lindore, ne sot po sanksionojmë ata që mbështesin rajonet ilegale të shkëputura dhe janë bashkëpunëtorë në mizoritë kundër popullit ukrainas. Ne do të vazhdojmë të synojmë të gjithë ata që ndihmojnë dhe mbështesin luftën e Putinit. Në total, qeveria e Mbretërisë së Bashkuar njoftoi sanksione të reja për 206 individë, duke përfshirë 178 separatistë, gjashtë oligarkë, bashkëpunëtorët dhe punonjësit e tyre të ngushtë dhe 22 individë të tjerë.”

Nga ana tjetër, sekretarja e jashtme e Mbretërisë së Bashkuar, Liz Truss ka përmendur në mesin e të sanksionuarve Sergei Kozlov, kryetar i vetëquajtur i qeverisë së Republikës Popullore të Luhanskut, dhe Alexander Ananchenko, të cilin Ministria e Jashtme e quajti kryeministrin e vetëshpallur të Republikës Popullore të Donetskut.

“Në mesin e të sanksionuarve janë Sergei Kozlov, kryetar i vetëquajtur i qeverisë së Republikës Popullore të Luhanskut, dhe Alexander Ananchenko, të cilin Ministria e Jashtme e quajti kryeministrin e vetëshpallur të Republikës Popullore të Donetskut. Maria Lavrova, gruaja e ministrit të Jashtëm të Rusisë, Sergei Lavrov, është gjithashtu në mesin e atyre që i nënshtrohen ndalimit të udhëtimit dhe ngrirjes së aseteve.”

Së fundmi, Truss e mbylli deklaratën e saj duke u shprehur se ata nuk do të dorëzohen me misionin e tyre për të ndaluar makinën e luftës së Putinit.

Nga nesër, qeveria e Mbretërisë së Bashkuar “po ndalon importin e hekurit dhe çelikut rus, si dhe eksportin e teknologjive kuantike dhe materialeve të avancuara për të cilat Putini ka shumë nevojë. Ne nuk do të pushojmë në misionin tonë për të ndalur makinën e luftës së Putinit në binarët e saj.