Banka e Shqipërisë ka shprehur kritikat e saj për mikrofinancat në vend, edhe sa i takon gjashtëmujorit të parë të këtij viti. Në raportin e stabilitetit financiar për periudhën janar-qershor, evidentohet se jo bankat kanë rritur shumë kreditë me probleme dhe duke qenë se kanë ndikim në bankat e nivelit të dytë, ky problem prek të gjithë sistemin financiar në vend.
Sipas BSH, rritja e kredive me probleme ndikon në financimin e ekonomisë dhe rrjedhimisht pengon sistemin financiar që të luaj rolin e tij në zhvillimin ekonomik. “Cilësia e portofolit të kredisë shënoi një rënie, pasi raporti i kredive me probleme në fund të tremujorit të parë të vitit 2021 arriti në rreth 13% nga 11% dhe 10% një tremujor dhe një vit më parë. Cilësia e kredisë së dhënë nga mikrofinancat ndikoi më shumë në këtë rritje dhe cilësia e dhënë ndaj klientit nuk shënoi përmirësim të dukshëm”, shprehet Banka e Shqipërisë”, thuhet në raport.
BSH që në fillim të këtij viti kërkoi që kreditë me probleme të reduktohen pasi gjatë 2020 kishin prekur nivelin maksimal të tyre. Kreditë me probleme në gjuhën më të thjeshtë janë kredi të pashlyera, kjo bën që edhe bankat të dobësohen financiarisht, ndërsa klientët të rrisin borxhin, ndërsa për bizneset ulet mundësia e financimit për të zhvilluar aktivitetin e tyre.
E.H/ gijotina.com/
