Banka e Shqipërisë parashikon se vala e shtrenjtimit të çmimeve të ushqimeve dhe karburantit do vazhdojë deri në 6-mujorin e parë të 2020. Në një intervistë televizive Drejtori i Politikës Monetare pranë BSH, Erald Themeli, deklaroi se, faktorët kryesorë që kanë dhënë ndikim në rritjen e inflacionit janë dy sipas bankës:
“ Arsyeja që ka diktuar në këtë rritje është shtrenjtimi i çmimeve në mallrat ushqimorë, në tregjet botërore dhe shtrenjtimi i çmimit naftës që jep një efekt zinxhir në rritjen e kostove të transportit dhe prodhimt”, u shpreh Erald Themeli.
Sipas tij deri më tani rrethanat tregojnë që është e pashmangshme rritja e çmimeve për vitin që vjen.
“Kjo rritje nuk po vjen për arsye të kërkesës, por nga problemi i ofertës. Për arsye të ndryshme, prodhuesit kanë patur vështirësi në nxjerrjen e mallrave në tregje. Për sa kohë është goditje ofertë, pra fenomen afatshkurtër, edhe rritja e çmimeve do të jetë një fenomen jo afatgjatë. Projeksionet janë që në 2022 do të ketë një normalizim dhe një sheshim të çmimeve në tregjet botërore. Përcjellja e saj në tregun vendas do të kërkojë kohë, do të vijojë edhe disa muaj”, u shpreh ai.
Sakaq, ai sqaroi se në këtë ndikon shumë edhe ecuria e pandemisë, sepse po të rriten masat kufizuese do shtrenjtohen edhe kostot për konsum.
