Portieri legjendar italian, Gianluigi Buffon, ka folur për etapat e shumta të karrierës së tij të gjatë, të gjitha me rastin e prezantimit të autobiografisë së tij me titull “Gianluigi Buffon, rrëzimi, ngritja, rrëzimi, ngritja”.
Siç zbuloi italiani, lojtarët më të mirë kundër të cilëve luajti ishin Lionel Mesi, Ronaldo, Andres Iniesta dhe Zinedin Zidan, por duke theksuar se Nejmar duhet të kishte fituar pesë “Topa të Artë”.
Në një fragment, ish-portieri ka folur edhe për lidhjen e tij me kumarin.
“Për disa, bastet janë ves. Për mua ishte adrenalinë. Për një gjë jam i sigurt, nuk kam bërë kurrë asgjë të paligjshme. Në fakt, nuk jam hetuar, nuk jam paralajmëruar kurrë. Sepse unë kurrë nuk kam bërë ndonjë gjë të paligjshme, nuk vë bast për Juventusin, ekipin kombëtar apo futbollin.
Sa herë kam luajtur e kam bërë vetëm mbi tenisin dhe basketbollin amerikan. Tani shkoj në kazino dy-tri herë në vit, por nuk e ndjej më nevojën që kisha dikur. Mbase asokohe ndikonte edhe një lloj depresioni nga i cili kam vuajtur disa vite e që mezi e kam kapërcyer “, përfundoi portieri italian.
Discussion about this post