Ish-kreu i Këshillit Kombëtar të PD, Bujar Nishani, do të jetë në krah të Sali Berishës në luftën që ai ka nisur kundër kreut të PD, Lulzim Basha.
Lajmin e ka bërë të ditur vetë Nishani, përmes një postimi në rrjetin social Facebook, ku shkruan se do të jetë pjesë e takimit që ka organizuar sot Berisha, për të çliruar partinë nga pengmarrësit.
“Unë do të bashkohem me demokratët e ndershëm e të vërtetë Sot në Rogner, në 18:00! Për një PD të Bashkuar, të Fortë e Fituese! Jo më PD, Peng i regjimit të korruptuar majtist“, shkruan Nishani.
Pak ditë më parë Nishani u shpreh se Basha bëri gabimin më të madh që përjashtoi Bërishën. Sipas tij, Basha ndjek rrugën e Ramës dhe të dy po godasin pas shpine PD-në.
E.H/ gijotina.com/
