Ka shkuar në 62 numri i banesave të dëmtuara nga tërmeti me magnitudë 4.5 shkallës rihter, që goditi Bulqizën mëngjesin e së premtes.Të frikësuar nga tërmetet e njëpasnjëshme banorët kanë kërkuar çadra.
Vetëm në 48 orët e fundit janë shënuar 7 tërmete, ku lëkundja e fundit ishte ditën e sotme me magnitudë 3.2 i shkallës Rihter.
Banorët shprehen se qëndrimi në shtëpi është i pasigurt dhe mund të rrezikojnë jetën e tyre nëse futen brenda.
Kryetari i bashkisë Bulqizë, Lefter Alla pa nga afër dëmet e shkaktuara nga lëkundjet sizmike.Alla theksoi se dëme ka patur pothuajse në të gjitha njësitë administrative, por mes tyre veçohet dëmtimi i dy pallateve në Bulqizë dhe dy në Krastë.
Prej së premtes banorët në të gjithë zonën e Dibrës, kryesisht në Bulqizë, ndihen të kërcënuar nga lëkundjet sizmike.
