Java e 10të e Premier Ligës angleze ka vënë përballë Totenhamin dhe Manchester United, përballje e fituar nga këta të fundit me rezultatin 2-0.
Pjesa e parë përfundoi në favorin e ‘djajve të kuq’ ku minuta e 39’ do të sillte në këmbët e Cristiano Ronaldos një asist nga Bruno Fernandes, që shndërohet në gol, me Manchester Unted që merr kryesimin e kësaj pjese të pare, që mbyllet me rezultatin 1-0.
Tottenham bëri gjithçka me kundërsulmet e Harry Kane dhe Son, por mbrojtja e Solskjaer këtë herë funksionoi më së miri, duke arritur ta mbajë të paprekur portën e De Geas.
Pjesa e dytë sërisht do të ishte totalisht në kontrollin e ‘djajve’ kur Cristiano Ronaldo bëhet sërisht faktor në thellimin e situates për Tottenhamin.
Falë asistit të tij, Edison Cavani arriti të tundë sërisht rrjetën e Totenham duke i dërguar shifrat në 2-0.
Pak minuta më pas, Solskjaer e vendos si të mjaftueshme punën e Cristiano Ronaldos, ku në minutën e 71’ e tërheq nga fusha e blertë, për të aktivizuar Rashford.
Nga ky moment Manchester United tërhiqet i gjithi në mbrojtje, duke ia lënë mesfushën të zotëve të shtëpisë, që tentuan në çdo rast, por pa arritur ta deportojnë mbrojtjen mike.
Ky element u shfrytëzua më së miri nga i sapoaktivizuari Rashford, që duke përfituar nga një kundërsulm, arrin të shënojë në minutën e 87’ golin e ‘knock-out’ për Tottenhamin, me rezultatin final 3-0.
