Bumçi: Politikani serb u dhunua nga Vuçiç pse kërkoi falje për krimet në Kosovë

Selia blu e ka dënuar ashpër sot, dhunën mizore të ushtruar mbi kreun e opozitës në Serbi nga regjimi i Aleksandër Vuçiç, vetëm pse ai guxoi e kërkoi falje për krimet e serbëve në Kosovë.

Anëtari i kryesisë, Aldo Bumçi thekson se qeveria shqiptare nuk ka reaguar në lidhje me ngjarjen, duke e konsideruar “një heshtje kriminale për të mbuluar krimin”.

Deklarata:

“Masakrimi i opozitarit serb Sanduloviç, kundërshtar iserbomadhit Aleksander Vuçiç, nga falanga të pushtetit të krimittë Beogradit është një akt i shëmtuar politik. Partia Demokratike e dënon me forcë këtë akt të dhunës shtetërore.

Dhuna e verbër, antishqiptare dhe antiopozitare, për arsyen se Sanduloviç ka kërkuar falje për krimet serbe në Kosovë, dhe ka vendosur lule në memorialin e Jasharëve në Prekaz, është një kambanë alarmi për shtysat e verbëra nacionaliste në rajonin tonë.

Faktin që dhunën e ushtrojnë segmente shtetërore, dhe se ndërmjet tyre është edhe terroristi Mihail Radojçiç, i përfshirë në sulmin e Banjskës në Kosovë, dëshmojnë përfshirjen direkte të presidentit serb Aleksandër Vuçiç ne kete akt barbarie.

Faktin që presidentin serb dhe agjendat e tij i mbështet kryeministri shqiptar Edi Rama, dhe se për incidentin nuk ka pasur asnjë reagim nga qeveria e Tiranës, është në vetvete njëheshtje kriminale për të mbuluar krimin.

Edi Rama, me të gjitha mjetet dhe format, është sot një dhunues serial i opozitës, dhe çdo dhunë kudo në botë që godet kundërshtarin politik vetëm e gëzon.

Dhuna e egër kundër kreut të Partisë Republikane serbe ndodh kur opozita në Beograd është në këmbë kundër manipulimit të zgjedhjeve nga regjimi i Vuçiç. Një regjim që bën gjithçka për të heshtur opozitën me intimidime, dhunë, vjedhje zgjedhjesh apo përçarje.

Një skenar që e shohim në Tiranë prej vitesh tashmë, dhe që kulmoi me arrestimin e kryetarit të opozitës, Sali Berisha.

Fytyra e vërtetë e regjimeve që vjedhin zgjedhjet shfaqetnëpërmjet dhunës dhe linçimit të kundërshtarit. Ngritja sa mëparë kundër regjimeve të tilla është detyrë kombëtare.  Opozita ne aksion: O sot, o kurrë!