Borusia Gladbach mori kontrollin e lojës që në minutën e 10’të me golin e Plea, duke dërguar topin në rrjetën e Neuer.
Lewandoswki reagon në minutën e 25, ku falë një topi të dërguar nga Davies, arrin të deportojë mbrojtjen e Gldbach, por fati nuk ishte në anën e tij, pa mundur të finalizonte.
Nga ky moment sulmet bavareze ishin të parreshtura, por mund të themi se portieri i Gladbach, Sommer ishte në formën e tij më të mirë këtë pjesë të parë.
Minuta e 41’ do të sillte sërisht topin në këmbët e Lewandowskit, që këtë herë pa gabuar gjen rrugën për në rrjetë, duke barazuar shifrat në shtëpinë e Gladbach, dhe duke e mbyllur në barazimin 1-1 pjesën e parë.
Pjesa e dytë ishte një lojë vërtet e balancuar nga të dyja skuadrat ku si statistikë mund të marrim kontrollin e topit që ishte thuajse i barabartë nga të dyja anët e fushës.
Minuta e 82 do të kulmonte gjithçka, pikë që mund të ishte edhe kthesa e lojës, ku përballë portës së Neuer mbrojtësi bavarez Upamecano shtyn kundërshtarin Stindl, duke rrezikuar gjithçka, sepse e gjithë situata ndodhi vetëm pak centimetra larg zonës së rreptësisë, që në kushte të tjera do të ishte një penallti e sigurt.
Kjo ishte takimi i parë ii Bundesligës gjermane për këtë sezon, ku të dyja ekipet kishin trajnerë të rinj në stol, dhe me këtë barazim, të dyja palët duket se vec fitores, morën gjithë qëtësine e nevojshme për një sezon të gjatë në vijim.
