GJKKO vendos të dënojë me burgim të përjetshëm Redjan Rrajën. Vendimi është dhënë sot nga GJKKO, ndërsa Rraja po gjykohej për atentatin ndaj ish-prokurorit Arjan Ndoj, ku mbeti viktimë shoferi i tij.
Redjan Rraja është akuzuar dhe gjykuar për rolin e ekzekutorit në atentatin ndaj ish-prokurorit, ku mbeti viktimë shoferi Andi Maloku dhe u plagosën ish-Prokurori dhe Aleksandër Laho, i njohur ndryshe si “Rrumi”.
Sipas akuzës të SPAK, Rrajën e implikon AND-ja e gjetur në një palë syze “Emporio Armani” me inicialet e tij, të gjetura në makinën e autorëve, por edhe elementët biologjikë në rroba, kapele e një palë doreza ngjyre te zezë.
Ndërkohë Erjol Halilaj, një tjetër i akuzuar dhe gjykuar për ngjarjen në fjalë është dënuar me 35 vite burg.
Redian Rraja është nipi i ish-deputetit Rrahman Rraja. Ndërkohë lidhur me atentatin e 4 viteve më parë ndaj ish-Prokurorit Ndoj,
është arrestuar edhe Ramazan Rraja, i cili ndodhet në burg, referuar masës së sigurisë.
Ramazan Rraja po hetohet dhe akuzohet së bashku me kushëririn e tij Redjan Rraja, i dënuar me burgim të përjetshëm, për organizimin e atentatit ndaj prokurorit Arjan Ndoja në mbikalimin e Shkozetit.
Ramazan Rraja u arrestua në një lokal në zonën e Fushë-Krujës, ndërsa ishte me pistoletë në brez dhe fishek në fole gati për qitje. 30-vjeçari, një njeri i njohur i botës së krimit, nip i deputetit të PS-së, Rrahman Rrajës, ishte shpallur në kërkim për atentatin ndaj ish-prokurorit Arjan Ndoja dhe Rrumit të Shijakut.
Në 20 janar 2023 për atentatin ndaj Ndojës u arrestuan Genti Ndërjaku alias Akil Ndërjaku, Marsel Deçka, Endrit Sinani, Julian Pjetri dhe Bashkim Haxhija.
Në 22 shkurt u arrestua në Abu Dhabi Amar, Dritan Shkëmbi, ndërsa në kërkim për atentatin janë edhe Julian Meçaj dhe Plaurent Dervishaj.
SPAK pretendon se Ramazan Rraja, bashkë me kushëririn e tij dhe persona të tjerë kanë organizuar atentatit ndaj prokurorit Arian Ndoja më 1 nëntor 2019.
Discussion about this post