Një ngjarje e rëndë ka ndodhur në një familje në Tepelenë që ka përfunduar me dy të plagosur. Mësohet se L. N., 42 vjeç, ka goditur me thikë bashkëshorten e tij, shtetasen F. N., 40 vjeçe, dhe më pas është vetëdëmtuar me të njëjtin mjet prerës. Të dy janë dërguar në spital. Nuk dihen ende shkaqet e ngjarjes.
“Rreth orës 09:40, në lagjen “Selam Musai”, Tepelenë, dyshohet se pas një konflikti të çastit, në banesë, shtetasi L. N., 42 vjeç, ka goditur me mjet prerës (thikë), bashkëshorten e tij, shtetasen F. N., 40 vjeçe, dhe më pas është vetëdëmtuar me mjet prerës.
Të dy këta shtetas janë transportuar në spital dhe ndodhen nën kujdesin e mjekëve. Në vendngjarje ndodhet grupi hetimor, i cili po punon për zbardhjen e plotë të rrethanave ngjarjes”, tha policia.
Discussion about this post