Deputeti i PD-së, Edi Paloka ka reaguar në lidhje me ngjarjen e mbajtur të fshehtë, e cila ka ndodhur 5 muaj më parë, ku Andri Ibrahimaj, bashkëshorti i ministres së Sipërmarrjes, Delina Ibrahimaj (ish-ministre e Financave), ka goditur me thikë drejtorin e Përgjithshëm të Agjencisë së Trajtimit të Kredive (ATK).
Paloka thekson se fshehja e krimit nga policia dhe prokuroria vërteton se edhe më e humbura mes atyre që ka zgjedhur kryeministri Edi Rama, është e zhgërryer në llumin e korrupsionit.
Sipas Palokës, ‘njësojë si në të gjitha rastet e tjera kur “të mëdhenjtë” janë kapur në flagrancë, ka vetëm një mënyrë për “të shpëtuar”, skandali i rradhës për të mbuluar tjetrin’.
Postimi i plotë:
E nxorren nga sirtarët një prej skandaleve që e kishin fshehur. Burri i ministres ka qëlluar me thike një drejtor në varësi të gruas së tij, sepse ai nuk lëshonte postin që burri i ministres e donte për mikun e tij. Policia dhe prokuroria e fshehën krimin me qëllim. Kjo vërteton se dhe më e humbura mes atyre që ka zgjedhur Rama , është e zhgërryer në llumin e krimit e korrupsionit.
Po ka më shume në kete rast. Si në gjithë rastet e tjera kur “të medhenjtë” janë kapur në flagrance ka vetëm një mënyrë për “të shpëtuar”, skandali i rradhës për të mbuluar tjetrin. Kështu për të hequr nga vemendja 5D e Veliajt dhe denoncimin e RAI 3 për Ramen, u nxorr nga pluhuri një nga skandalet e fshehura nga “policia që duam” dhe drejtesia “e reformuar”…! Njgjarja ka ndodhur në nëntor 2023, po është fshehur nga gjithë institucionet në dijeni, sigurisht me urdhër nga lart. Tani nga po ata hidhet në media qëllimisht.
Le ta hajë ministri i rradhës ( jo se nuk e meriton) se koka turku gjejmë sa të duam. Po me shpresën që do harrohen dy kokat e kuçedrës.
Tani car.bolat e kanë marrë detyrën…!
Discussion about this post