Anëtari i Kryesisë së PD të drejtuar nga Rithemelimi, Belind Këlliçi gjatë fjalës së tij në një takim me demokratët e Lezhës, ndër të tjera tha se 5D është modeli me te cilin qeveria dhe qeverisja lokale vjedh.
Ai shtoi se për të rrëzuar këtë regjim, nuk mjaftojnë vetëm protestat, denoncimet apo kallëzimet, por duhet dhe alternativa.
“Ai që ka shitur fiq, ai që bëri dasmën 500 mln lekë me pensionin e të ëmës, instaloi në Bashki një model vjedhjesh 100%.
Por ky modeli ‘5D’ që është në Tiranë, do e gjeni edhe në Lezhë dhe në çdo bashki ku janë përfaqësuesit e regjimit.
Beteja nuk përfundon me Erion Veliajn, pasi rradhën e ka Edi Rama”, tha Këlliçi.
Ai tha se nuk mjaftojnë vetëm protestat, vetëm denoncimet, por duhet edhe alternative për të përmbysur këtë regjim.
“Në Tiranë kemi të bëjmë me një kryetar bashkie që për një incenerator që nuk ekziston ka marrë 130 mln euro. Unë nuk e di se çfarë bën SPAK.
Një kryetar Bashkie që shpiku tarifën e dherave, ka vjedhur të paktën 60 mln euro.
Dhe me drejtorët-banditë që kishte në Bashki, ka vjedhur 30 mln euro dhe ka dhënë 3 leje ndërtimi”, tha Këlliçi.
Discussion about this post