Analisti Andi Bushati tha në studion e emisionit “Të Paekspozuarit” se Sali Berisha mund të mbahet në arrest shtëpiak përsa kohë t’i duhet Edi Ramës që të jetë i izoluar.
Bushati tha se nëse këto standarde që SPAK aplikoi ndaj Berishës për dosjen “Partizani” do e zbatonte edhe në rastin e inceneratorëve, sot do të kishim të rrethuar me truproja para SPAK-ut, Edi Ramën.
“Berisha mund të qëndrojë në arrest përsa kohë ai të mbetet pa vulë, pa komisionerë, pa financime në zgjedhje. Mendoj se në rastin e ish-Kryeministrit, SPAK aplikoi standardet edhe më të ulëtat sesa mund t’i zbatojë për një qytetar të zakonshëm”, tha Bushati.
Sipas tij, hetimi për dosjen “Partizani” dhe vënia nën hetim e Berishës, ka lidhje plotësisht me historinë e vulës së Partisë Demokratike. Bushati tha se drejtësia e re po tregohet më lapangjoze se ajo e vjetra, duke shtuar se sot kemi disa gjyqtarë e prokurorë që kanë hyrë në pazare me mazhorancën.
Discussion about this post