Analisti Andi Bushati ka komentuar mbi zhvillimet e fundit të reformës në drejtësi dhe ndikimin e SPAK-ut, ku theksoi se, pavarësisht mbështetjes ndërkombëtare, kjo reformë ka hasur në probleme dhe nuk ka ecur në drejtimin e duhur.
Bushati shpjegoi se gjatë dekadës së fundit janë bërë debate të shumta për këtë reformë, ndërsa sinjalet nga Bashkimi Europian dhe Venecia janë injoruar. Ai e konsideron financimin ndërkombëtar të reformës si një mundësi për të shkatërruar opozitën në vend.
Analisti po ashtu theksoi faktin se Shqipëria është përfshirë në skandale të mëdha, që po dëmtojnë imazhin e vendit në arenën ndërkombëtare. Ai argumentoi se procesi i drejtësisë po shërben për të luftuar opozitën dhe për të rrafshuar sistemin gjyqësor.
“Ne kemi bërë debat gjithë dekadën e fundit që kjo reformë në drejtësi dhe sidomos ky SPAK-u ka disa probleme që nuk po shkojnë në drejtim të duhur.
Çfarë ndodhi? BE, mbështetëse e reformës, i thoshte Maqedonisë: “Jo”, thoshte Maqedonia, “ai eksperimenti shqiptar nuk bën”, ky ishte një sinjal.
Venecia kishte parashikuar që në fillim. Çfarë tha? Që reformën mund ta kapë ai që e drejton, dhe këtu doli.
Pra, sinjalet i kishim. Ajo që ka ndodhur dhe që unë dua ta theksoj është lajmi i sotëm: kjo reformë është financuar me para ndërkombëtare për të shkatërruar opozitën në atë vend.
Fakti që ai komisioni atje në Amerikë na zgjedh ne, Shqipërinë, vendin e Orban-it, që ka luftuar administrata Biden, dhe anulimin e zgjedhjeve në Rumani.
Pra, mes tre skandaleve më të mëdha të vendeve të botës demokratike, anëtare të NATO-s, aq flagrante, aq e rëndë ka qenë në Shqipëri ajo që ka ndodhur, sa po bëhemi shembull botëror sesi shkarkohet drejtësia për të luftuar opozitën politike të vendit dhe për të rrafshuar drejtësinë.
Ky është lajmi i ditës sot, dhe Ramës, mesa duket, mirë që po i bien njerëzit tani atë nuhatjen, e di si e kanë? Ata e kthejnë fletën të parët, të marrin para për të shpëtuar lëkurën e tyre.
Dhe Rama këtë po kupton, një, se ndihet i rrezikuar nga ndryshimet, dhe dy, sepse i ra propaganda. Çfarë do të thotë tani me? Po bëjmë një drejtësi të pavarur me mbështetje amerikane, kur Amerika të thotë që ky ka qenë shkopi yt për të shkatërruar demokracinë?”, tha Bushati.
Discussion about this post