Kreu i Forumit Rinor të PD në Shkodër, Arvit Bushati ka komentuar zhvillimet e fundit në PD, teksa ka deklaruar se, Kuvendi Kombëtar i Partisë Demokratike do të mblidhet dhe se Lulzim Basha nuk do të mundet ta pengojë dot.
Sipas tij, foltorja e ish-kryeministrit Sali Berisha do ta kthejë PD në identitet, duke e bërë më të fortë përballë mazhorancës dhe kryeministrit Edi Rama.
“Mesa kam parë deri tani, njerëzit në masë po firmosin. Me sa jam informuar, janë 1400 veta të cilët kanë firmosur. Pra është pranë ¼ e anëtarëve të PD, 1500 firma për thirrjen e Kuvendit. PD meriton t’i ushtrohet të gjitha veprimeve demokratike. Nëse realisht mblidhen ato firma, drejt asaj rruge do të vazhdohet. Procesi është i padiskundërshtueshëm.
“Foltorja” është ai sheshi ku demokratët mund të ankohen. PD ka disa nevoja, duhet kthimi në identitet, duhet të jemi më të vëmendshëm me meritokracinë dhe me përfundimin e kësaj situate ne realisht duhet të jemi më të fortë dhe më të bashkuar kundrejt Edi Ramës”, tha ai.
E.H/ gijotina.com/
