Analisti Andi Bushati komentoi fushatën elektorale të subjekeve politike për zgjedhjet parlamentare të 11 Majit. Bushati tha se zgjedhjet në Shqipëri nuk i vendos ndikimi i presidentit amerikan Donald Trump, por do t’i vendosin bandat dhe paratë e zeza.
I pyetur a mund të ketë një qeveri PS-PD, Bushati tha për MCN se nuk e beson këtë skenar, duke shtuar se “të besosh që PS nuk shkon 71, duhet të pranosh që në Shqipëri ka garë dhe zgjedhje!”.
“Nga një anë Berisha është i lirë të thotë çfarë të dojë, sepse mund të bëjë premtime që s’do vihen kurrë në test, pasi shanset e opozitës për të përmbysur këtë qeveri janë afër minimalet. Gjërat që mund të marrim seriozisht janë ato që thotë Rama. Rama ngaqë s’ka propozime konkrete, ka filluar të tundi këtë ëndrrën e pasaportës europiane.
Ka dy probleme. Rama po e përdor, që jemi ne në qeverisje prandaj Shqipëria është më afër BE-së. Në fillim të mandatit, i gjithë diskursi i Ramës ishte që ne jemi në rregull, por s’jemi për arsye gjeopolitike. S’mund të bësh fushatë me një spekulim kaq të madh. E dyta çështja e kampeve të refugjatëve. E tha shumë mirë Renzi, s’mund të aspironi të jeni një vend i BE, dhe për refugjatët të vet serivreni si vend i kategorisë së dytë.
Sa më autokratik të bëhet regjimi aq më shumë shton jetën e tij. Ajo që po ndodh në Shqipëri fatkeqësisht ndodh vetëm në Bjellorusi apo Serbi, vende që i kanë thënë lamtumirë demokracisë liberale. Fatkeqësisht duhet thënë që opozita është e dobët, në pushtet, në aleancë me bandat, e dobët financiarisht, e dobët në raport me mediat dhe oligarkët. Rezultati është i parashkruar. Unë dyshoj se vota e diasporës është pjesë e fabrikës së madhe të manipulimit. Shitja e votës së diasporës është shumë më e kontrollueshme, është një votë jo e fshehtë.
Dyshoj se pesha elektorale e ish-LSI-së ka rënë, për defekte sa të sajat, ku një parti familjare ku ndahet burri me gruan ka kosto, por mbi të gjitha synimi i autokracisë ramiste ka qenë shkatërrimi i LSI-së, që ka qenë një valvul që e çonte pushtetin sa në një anë, në tjetrën”, u shpreh ai.
Discussion about this post