Butrint Imeri është një nga këngëtarët që prej vitesh po shijon një sukses të madh falë projekteve të tij muzikore, të cilat pëlqehen shumë dhe numërojnë miliona klikime.
Dihet se me suksesin vijnë edhe paratë për artistat. E së fundmi Butrinti ka marrë vëmendjen e të gjithëve me blerjen e tij të fundit.
Këngëtari ka postuar disa foto në Instagramin e tij e makinën e tij të re të markës “Rolls Royce”, e cila konsiderohet shumë luksoze dhe ka vlerën fillestare prej 318 mijë euro e mund të shkojë deri në gjysmë milioni. Në postim Butrinti shkruan:
“Mirë se erdhe në shtëpi bejbi, Rolls-Royce Cullinan”
E duket se artisti nuk ka ndërmend të ndalet dhe edhe pse pak kohë ka nga publikimi i hitit të parë për këtë sezon veror ‘Diskoteka’ duket se do t’i surprizojë ndjekësit e tij me një tjetër projekt muzikor. Këtë e ka bërë me dije vetë këngëtari./SHQIP
Discussion about this post