Projektbuxheti i vitit 2022 është shqyrtuar sot në Komisionin e Jashtëm, ku ka pasur shumë debate për shpërndarjen e parave. Deputeti i PD, Tomorr Alizoti, deklaroi pati ankesa ndaj qeverisë në lidhje me buxhetin që është akorduar për diplomatët shqiptar. Sipas tij, kjo kategori është më e keqpaguara po t’i krahasosh me kolegët e tyre nga vendet e tjera. Sipas tij, financat duhet të shkojnë në ambasadat kryesore të Shqipërisë në Botë.
Rritja prej 17% tingëllon e madhe por humbet në strukturë. Kjo financë duhet të shkonte te diplomatët, që të jenë të motivuar. Se çfarë do Shqipëria në Afrikë? Unë nuk e di, mirë do të ishte të ishte fuqi e madhe, por është vend i vogël. Financat të shkojnë në ambasadat kryesore. Sot ka diplomatë të keqpaguar, që prezantojnë Shqipërinë, nuk ftojnë dot dikë për drekë apo për darkë pune në një lokal serioz. Diplomatët shqiptarë janë më të varfrit në rajon.
Teksa Komisioni i Jashtëm ishte në miratim t projektbuxhetit, Alizoti theksoi se atyre iu rritet rroga, por taksohen më shumë. “Qeveria e sotme edhe e kaluara s’i ka trajtuar si duhet. Pse Kosova i paguan më lart? Hajde i diskutojmë realisht. Nuk i pranoj recitimet, që diplomatët shqiptarë janë trajtuar me një vlerë…ku janë vlerat? Është rritur rroga, është taksuar më shumë”, tha ai, duke theksuar se kjo çështje duhet të merret më seriozisht nga qeveria pasi çdo vit ata janë lënë mënjanë.
Discussion about this post